Ndihmoni të bëhet hedhja pasuese në qarkullim e Thunderbird-it sa më mahnitëse që të jetë e mundur, duke shkarkuar Thunderbird Beta dhe duke përdorur herët veçoritë më të reja dhe ndreqjet e të metave, para se të jepen zyrtarisht. Testimi dhe përshtypjet tuaj janë të rëndësishme, ndaj, ju lutemi, njoftoni të meta, anë të palatuara dhe jepnani mendimet tuaja!

Ndjekësin tonë të të metave, kodin burim dhe wiki-n i gjeni te <a href="https://github.com/thunderbird/thunderbird-android">https://github.com/thunderbird/thunderbird-android</a>.

Jemi përherë të gëzuar t’u japim mirëseardhjen programuesve, skicuesve, dokumentuesve, përkthyesve, testuesve të të metave dhe miqve tanë të rinj. Për t’ia filluar, na vizitoni te <a href="https://thunderbird.net/participate">https://thunderbird.net/participate</a>.

Thunderbird-i është një aplikacion email-esh i fuqishëm, i përqendruar te privatësia. Administroni pa mundim llogari të shumta email, nga një aplikacion, përmes një mundësi “Të marrë të Njësuar”, për maksimumin e prodhimtarisë. Ngritur mbi teknologji me burim të hapët dhe mbështetur në një ekip enkas zhvilluesish, tok me një bashkësi globale vullnetarësh, Thunderbird-i s’i trajton kurrë si produkt të dhënat tuaja private. I mbajtur në këmbë vetëm nga kontribute financiare prej përdoruesve tanë, ndaj s’do t’ju duhet kurrë më të shihni reklama përzierë me emaile-t tuaj.

<b>Ç’mund të bëni</b>
<ul>
  <li>Të hidhni tej aplikacione të shumta dhe “webmail”. Përdorni një aplikacion, me një “Të marrë të Njësuar” opsional, përgjatë ditës.</li>
  <li>Të shijoni një klient email dashamirës ndaj privatësisë, që nuk mbledh, apo shet kurrë të dhënat tuaja personale. Ju lidhim drejtpërdrejt me shërbimin tuaj email. Kaq!</li>
  <li>Shpjereni privatësinë tuaj një shkallë më lart, duke përdorur fshehtëzim OpenPGP email-esh (PGP/MIME) me aplikacionin “OpenKeychain”, për të fshehtëzuar dhe shfshehtëzuar mesazhet tuaj.</li>
  <li>Zgjidhni njëkohësimin në çast të email-it tuaj, në intervale të caktuar, ose sipas dëshirës. Se si dëshironi të shihni për email-e, e keni ju në dorë!</li>
  <li>Gjeni mesazhe të rëndësishëm, duke përdorur si kërkim vendor, ashtu edhe më anë shërbyesi.</li>
</ul>

<b>Përputhje</b>
<ul>
  <li>Thunderbird-i funksionon me protokolle IMAP dhe POP3, duke mbuluar një gamë të gjerë shërbimesh email, përfshi Gmail, Outlook, Yahoo Mail, iCloud, etj.</li>
</ul>

<b>Pse të përdoret Thunderbird-i</b>
<ul>
  <li>Emri i besuar në email për mbi 20 vjet - tani në Android.</li>
  <li>Thunderbird-i është plotësisht i financuar nga kontribute vullnetarësh nga përdoruesit tanë. Nuk shfrytëzojmë të dhënat tuaja personale. S’jeni kurrë një produkt.</li>
  <li>Prodhuar nga një ekip me efikasitetin në mendje, si ju. Duam të shpenzoni kohën minimale duke përdorur aplikacionin, teksa përfitoni maksimumin.</li>
  <li>Me kontribute nga anembanë bota, Thunderbird-i për Android është përkthyer në më shumë se 20 gjuhë.</li>
  <li>Me përkrahjen e MZLA Technologies Corporation, një nëndegë në pronësi të plotë e Mozilla Foundation.</li>
</ul>

<b>Burim i Hapët dhe Bashkësisë</b>
<ul>
  <li>Thunderbird-i është falas dhe me burim të hapët, që do të thotë se kodi i tij mund të shihet, ndryshohet, përdoret dhe jepet lirisht. Licenca e tij garanton gjithashtu se do të jetë kështu përgjithmonë. Mund ta mendoni Thunderbird-in si një dhuratë për ju nga mijëra kontribues.</li>
  <li>E zhvillojmë haptazi, me përditësime të rregullta, të tejdukshme, në blogun dhe listat tona të postimeve.</li>
  <li>Asistenca jonë e përdoruesve bazohet në bashkësinë tonë globale. Gjeni përgjigjet që ju duhen, ose i hyni rolit të një kontribuesi - qoftë kur i përgjigjeni një pyetjeje, përktheni aplikacioni, apo u tregoni shokëve dhe familjes tuaj rreth Thunderbird-it.</li>
</ul>